سعدك يا فاعل الخير
المهم في برنامج سعدك يا فاعل الخير مش كسوة العيد و قفة رمضان الي وفرناها اليوم .. الأهم هو انكم تعاونوا العائلة هذي في محنتها ..
اليوم باش نتعرفوا على عائلة تعيش في حي عمر بن سليمان تعاني ضروف صعيبة خاصة بعد ولادة التوأم الي واحد منهم يعاني من سوء تغذية ، العائلة تعيش في بيت من غير ضو و حتى من دبشهم بقى مطيش للشمس ما لقوش وين يحطوه .. الصغيرات محتاجين حليب و كوش و بحكم ضروف والدهم الي هو عامل يومي ناقصين تغذية و رعاية صحية ..